ПРИЛЕП
За Нас
Сектори
Индустрија
Прилеп е центар на производство на високо квалитетен тутун и цигари, метало преработувачка, електронска, дрвна, текстилна, прехрамбена и мермерна индустрија. Тутунот е една од прилепските традиционални култури што успева во Македонската клима. Многу од големите светски производители на цигари го користат Прилепскиот тутун откако ќе се обработи во нивните локални фабрики. Кога во Прилеп бил основан Институтот за Тутун за креирање на нови видови тутун, тоа било прв пример за примена на генетиката во земјоделството на Балканот. Повеќето жители на Прилеп опстојуваат со производство на тутун, кој потоа се откупува од Тутунски Комбинат АД Прилеп во Прилеп. Во Прилепско поле се произведуваат околу 30% од вкупното количество тутун од Северна Македонија.
W
Поголеми
Компании
Покрај тутунопроизводството во Прилеп, од големите индустриски претпријатија работат и Прилепска пиварница, Витаминка, Мермерниот комбинат, Гентерм, Комфи Ангел, Кринг КГ, индустријата за висока технологија „Микросам“ кој е позната во светот по големиот број произведени роботи и разни технолошки изуми, повеќе фабрики за мебел и градежни материјали.
P
Могила на непобедените
Град Херој
Прилеп е град херој: од вкупно 66 ордени во Македонија, 15 ордени се доделени на народни херои од Прилеп и оној за град херој:
Рампо Левката, Круме Волнароски, Ордан Чопела, Борка Велески, Мирче Ацев, Кузман Јосифоски Питу, Лазо Колевски, Вера Ацева, Борко Темелкоски Лилјакот, Борка Талески, Крсте Црвенкоски, Ѓоре Дамески Боксеро, Атанас Забзановски, Кире Гаврилоски Јане,
C
Револуционери и дејци
Некои познати прилепчани
(1864 – 1921) Ѓорче Петров, македонски револуционер, еден од раководителите на ЦК на ВМРО;
(1865-1912) Петар Наумов Тошев, македонски национален херој, апостол и совеста на револуционерна Македонија.
(1897 – 1944) Методија Шаторов – Шарло, македонски комунист и национален деец.
(1902 – 1957) Методија Андонов – Ченто, прв претседател на АСНОМ;
(1909 – 1988) Круме Кепески, истакнат македонист, граматичар, педагог, учебникар, методичар, преведувач;
(1912 – 1976) Крум Тошев македонски славист, македонист и универзитетски професор, соавтор на првиот „Македонски правопис со правописен речник“.
(1924 - 2001) Благоја Талески македонски комунист и политичар, носител на Партизанска споменица од 1941.
(1921 – 1993) Блаже Конески, македонски преродбеник, поет и татко на македонскиот јазик и литература.
S
Фестивал
Пиво фест
Прилеп е познат по својот „Пиво фест“ – фестивал на пивото со голема посетеност и разни домашни и странски естрадни гости.
R
Духовно жариште
Манастир Трескавец
Сред античката населба Колобаиса, култниот центар на Аполон и Артемида, се наоѓа манастирот Трескавец со црквата „Успение на Пресвета Богородица“ од 13 век,која претставува вистински бисер на духовноста и архитектурата.
C
