ИСТОРИЈАТ
1873 - Првиот магацин за откуп и обработка на тутун во Прилеп е изграден во оваа година, кога, всушност, започнува и формирањето на денешниот комбинат.
1924 – Управата на државни монополи од Стара Југославија носи одлука за основање на Опитна Станица во Стариот магацин по заслуга на инж. Рудолф Горник.
1949 - Со решение на Владата на поранешна Југославија е основано Државно стопанско претпријатие за откуп и обработка на тутун - Прилеп.
1955 - Само шест години подоцна е започната со работа цигарната фабрика како дел од Tутунскиот комбинат, со што претпријатието прераснува во Комбинат за тутун и цигари.
1958 - Изграден е првиот Завод за индустриска ферментација на тутунот.
1966 – Изградени се браната на вештачкото езеро и хидромрежата за интервенирање со вода во производството на тутун во екстремно сушните периоди.
1969 - Започнато е осовременувањето на Фабриката за цигари. Отворена е новата цигарна фабрика поставена на засебна локација.
